App 支援中心
有咩問題，先睇吓以下常見問題；搵唔到答案就搵我哋。
聯絡我哋
常見問題
點樣用一句說話砌行程？
打開 App，去「行程」分頁新增行程，用廣東話打一句，例如「11月尾同屋企人去京都大阪 5 日，想睇紅葉」。AI 會幫你砌好逐日行程，一日一日出現，附季節提示同插畫。之後可以自己加減景點、改次序。
點樣 send 行程畀朋友？佢哋要唔要裝 App？
喺行程頁撳分享，可以 send 連結或者行程圖。朋友唔使裝 App，用瀏覽器就睇到；想改嘅話，可以撳「複製呢個行程到我嘅 App」變成自己嘅版本。刪除行程之後，連結會失效。
BackJap 返日本係咪免費？
免費下載。新用戶有 200 積分，每個月會補返到 200 積分，用嚟砌行程、AI 對話、翻譯同相機翻譯。積分喺你最近一次獲得積分之後 6 個月到期。
Trip Pass 係咩？
Trip Pass 係一次性購買（HK$48，以商店顯示為準），由購買時間起計 30 日，唔會自動續期。有效期內翻譯、相機、AI 對話同行程功能唔使扣積分，每日設公平使用上限（相等於 150 積分，AI 圖片每日最多 5 張）；超出上限當日會改為扣積分。
買咗 Trip Pass 但冇生效／換咗新機點算？
去 App 嘅 Trip Pass 頁面撳「恢復購買」。如果仍然有問題，請電郵 support@backjap.com，附上收據截圖同你嘅帳號電郵。
點樣申請退款？
購買由 Apple／Google 處理，退款要向佢哋申請：iPhone 用戶去 reportaproblem.apple.com；Android 用戶去 Google Play「付款與訂閱 → 預算與記錄」或 Google Play 退款說明。退款成功後，有關 Trip Pass 會失效。
相機翻譯點用？
去「拍照」分頁，對住餐牌、招牌或者藥妝標籤影相。譯文會用香港人嘅叫法（例如三文魚、油甘魚、帶子）疊喺相上面。如有食物敏感，請直接同店員確認。
對話翻譯點用？
去「翻譯」分頁，揀對話模式，對住手機講廣東話就會變日文，仲可以讀出嚟；日本人講嘅都會譯返廣東話。語音辨識同朗讀喺你部手機上進行，我哋唔會儲存錄音。
季節資料（櫻花、紅葉、花火）準唔準？
行程用嘅係每年嘅典型日子，會標明「最佳期」或者「出發前查日期」。臨出發前請睇官方最新花況同活動公布。
點樣刪除帳號？
去「更多 → 設定」，拉到最底撳「刪除帳號」。唔使裝 App 都可以用電郵要求刪除，詳情睇刪除帳號。
App 有問題點算？
先試吓完全關閉再開 App，同更新到最新版本。如果仍然有問題，可以喺「更多 → 意見回饋」話我哋知，或者直接電郵我哋。
下載BackJap
